मुंबई : बॉलिवूड अभिनेत्री कंगना राणौत नेहमीच तिच्या बोल्ड वक्तव्यांमुळे चर्चेत असते. कंगना नेहमीच सोशल मीडियाच्या माध्यमातून सर्वांवर टीका करते. आताही कंगनाने असे ट्विट केले आहे. कंगना राणौतने उद्धव ठाकरे यांचे नाव न घेता त्यांच्याविरोधात ट्विट केले आहे. यावेळी त्यांनी मुंबईतील त्यांच्या घरावर बीएमसीने बुलडोझर चालवल्याची घटनाही आठवली आहे.
कुकर्म करने से तो देवताओं के राजा इन्द्र भी स्वर्ग से गिर जाया करते हैं, वो तो सिर्फ़ एक नेता है, जब उसने अन्याय पूर्व मेरा घर तोड़ा था, मैं समझ गई थी, ये शीघ्र ही गिरेगा, देवता अच्छे कर्मों से उठ सकते हैं लेकिन स्त्री का अपमान करने वाले नीच मनुष्य नहीं… ये अब कभी उठ नहीं पाएगा।
— Kangana Ranaut (@KanganaTeam) February 17, 2023
कंगनाच्या या ट्विटची सध्या खूप चर्चा होत आहे. कंगनाने तिच्या ट्विटमध्ये लिहिले आहे की, देवांचा राजा इंद्रसुद्धा कुकर्मांमुळे स्वर्गातून पडतो, तो फक्त एक नेता आहे.
जेव्हा त्याने माझे घर अन्यायाने पाडले, तेव्हा मला माहित होते की ते लवकरच पडेल, देव चांगल्या कर्माने उठू शकतात पण स्त्रियांचा अपमान करणारे नीच माणसं नाही… तो आता कधीच उठणार नाही.
गेल्या काही महिन्यांपासून उद्धव गट आणि एकनाथ शिंदे गटात खरी शिवसेना कोण यावरून निवडणूक आयोगात भांडण सुरू आहे. शुक्रवारी निवडणूक आयोगाने शिंदे गटालाच खरी शिवसेना असल्याचे म्हटले आहे. त्यामुळे मुख्यमंत्री एकनाथ शिंदे यांचा पक्ष आता खरी शिवसेना म्हणून ओळखला जाणार आहे.
